Hádegisfundur: Fagmennska í íslenskum vefbransa

Flest ef ekki öll fyrirtæki og stofnanir eiga sér vefsíðu og einn eða fleiri á staðnum koma að umsjón efnis eða annars á einhvern hátt. Þess vegna á umfjöllunarefni fyrsta hádegisfundar haustsins hjá SKÝ erindi við marga, enda fundurinn auglýstur fyrir alla sem koma að vefverkefnum á einhvern hátt.

Fundurinn er haldinn miðvikudaginn 30. ágúst 2017, klukkan 12 – 14, í Gullteig á Grand Hótel

Úr kynningartexta fundarins:
„Þegar lagt er í vinnu við að setja upp vefi eða vefverkefni þurfa yfirleitt margir aðilar að koma að: vefstofur (hönnuðir, forritarar), kerfisdeildir, auglýsingastofur, ábyrgðaraðilar innan fyrirtækja/stofnana, samráðshópar, hagsmunaaðilar, stjórnendur, og svo framvegis.
Hversu mikil fagmennska er í íslenska vefgeiranum? Hvernig gengur verkefnastjórum að fá alla aðila til að vinna að sameiginlegu markmiði? Hvað þurfa fyrirtæki og stofnanir að gera til að vefur hámarki þjónustu, upplýsingagjöf, sölu eða virði vörumerkis?“

Nánari upplýsingar og skráning á vefsíðu SKÝ.