Opið hús hjá Raferninum!

Loksins! Loksins! Það verður opið hús hjá Raferninum, föstudaginn 10. nóvember næstkomandi, frá kl. 17, og við bjóðum öll þau sem hafa áhuga á starfseminni okkar innilega velkomin. Alveg sama hver vinnustaðurinn er, við viljum endilega sjá þig í Suðurhlíð 35 í Reykjavík. 

Það er ekki nauðsynlegt að hafa fengið boð sérstaklega og ekki heldur að skrá sig fyrirfram, þið eruð öll velkomin hvort sem þið hafið skráð ykkur eða ekki. Hinsvegar væri gott fyrir okkur að fá einhverja hugmynd um fjölda gesta, til að það verði örugglega nógar veitingar 😉

Þann 8. nóvember ár hvert er haldið upp á alþjóðlegan hátíðisdag myndgreiningarfólks, Röntgendaginn, og starfsfólk Rafarnarins reiknar með að sá hópur verði enn í hátíðarskapi föstudaginn 10. nóvember. Markmiðið er að þetta verði geislandi fínt partý með góðum veitingum, frábæru fólki, skemmtilegu spjalli og einhverju fleiru spennandi við að vera.

Takið daginn strax frá, svo við getum sem allra flest skemmt okkur saman!

Sjá einnig á raforninn.is og á Facebook.