taeknitjonusta800x250

Raförninn býður upp á alhliða viðhaldsþjónustu við myndgreiningarbúnað. Um er að ræða bæði reglubundið eftirlit og tilfallandi viðhald. Gæðakerfi fyrirtækisins sem byggir á áratuga reynslu í heilbrigðisgeiranum minnkar áhættu viðskiptavinarins og tryggir stöðluð vinnubrögð. Sótt hefur verið um ISO vottun á gæðakerfinu á árinu 2018.

Raförninn býður upp á mismunandi þjónustustig en að jafnaði er þjónustan veitt gegn föstu gjaldi. Þjónustusamningar tryggja að jafnaði 98% rekstraröryggi búnaðar og skerðast þjónustugjöld ef niðurtími mælist undir rekstraröryggismörkum. Viðskiptavinir Rafarnarins fá aðgang að veflægu þjónustukerfi, Maintain Pro, sem gerir þeim m.a. kleift að tilkynna bilanir og fylgjast með framgangi verka.

Raförninn tekur að sér alla vinnu við uppsetningar á nýjum búnaði. Slík verkefni geta m.a. falið í sér hönnun rýmis sem hýsir búnaðinn, áhættugreiningu og áhættumat, verkefnastjórnun, niðurrif á eldri búnaði, uppsetningu og tengingar nýs búnaðar inn á upplýsingakerfi myndgreiningardeildar ásamt móttökuprófunum.

Raförninn tekur einnig að sér margvísleg verkefni utan heilbrigðisgeirans enda hefur fyrirtækið á að skipa reynslumiklum hópi rafeindavirkja og tæknifræðinga.